▌身體保養 ▌終於脫走手背手指毛毛(2) ♥ 又黎到銀座Calla ...*

暑假的時候分享過, 我終於的起心肝去銀座 Calla 脫走前手臂、手指、手背的毛髮~~
不知不覺已經做左3次療程喇~~係時候黎個中期報告!

由於脫毛療程大概係6-8星期做一次, 對於我呢d超級健忘的人黎講.....
只要唔mark低就一定會唔記得幾時做療程....
好彩每次職員都會幫我在Calla會員卡上面寫好日期~方便我隨時拎返出黎睇, 
而且每次療程前1日都會有SMS貼心提醒~

我一開始唔記得左有呢張卡....打左去門市問~職員都好耐心提我可以睇返張卡, 態度完全冇表現唔耐煩, 抵讚!

每次約好左時間去做facial / 脫毛之類, 其實好怕準時去到仲要等幾個字先做得.....咁我預約有咩意思?
但係我每一次去Calla脫毛都係唔夠5分鐘已經入得房, 從未見過多於2個在reception area等待的客人~
今次都唔例外, 早左少少去到, 等左唔夠5分鐘就入得!

雖然平時我係比較中意靜靜地做treatment, 不過激光脫毛始終多多少少會有少少痛~
我都唔介意治療師一邊同我傾計分散我的注意力。
今次已經係手背、手指、手臂脫毛的第3次, 上一次的激光強度已經比第一次稍稍增強, 
而今次亦會再增強少少去令效果更加好~加大激光強度係會令皮膚反應大d, 而接近骨頭的位置感覺會更加強烈, 我今次一邊同治療師傾計, 好快就搞掂!

相信有d朋友仔都記得我幾年前試過打完激光出現毛囊炎的情況....
所以我對於脫毛後護理的步驟非常緊張~~試過有d中心脫毛後只會搽一層cream就叫你走, 個人認為唔足夠架!
今次打完之後都即時有出現少少泛紅情況, 噴完Calla獨有的美肌潤美保濕護理之後, 好快就退左, 呢個護理真係好有用架!

大家都知道脫毛療程後的毛毛係會暫時唔見晒, 但做一次療程其實唔係每個毛囊都受光, 隔一排就會生返d出黎~~~所以我既對比圖都會係療程後10日左右先影~~咁就可以睇到每一次療程真正進度喇。

其實都幾明顯見到3次之後毛毛已經生得慢左好多~
非常期待6次療程後的效果! 到時再同大家分享啦!

銀座Calla
http://www.ginza-calla.com.hk/

更多脫毛小知識:
http://www.ginza-calla.com.hk/faq.html?k=cb

分店資料:

旺角店 - 九龍彌敦道625-639號雅蘭中心辦公樓1期13樓1332室電話: 2343 5338

尖沙咀店 - 九龍尖沙咀加拿分道18號恆生尖沙咀大廈1303-1304室電話: 2311 2211

銅鑼灣店 - 香港銅鑼灣登龍街1號金朝陽中心II期 Midtown 16樓B&C室電話: 2811 2211

▌保養 ▌我的美麗日記 ♥ All in One 限定收藏盒(台灣篇) ...*

為左留住客人的心, 呢幾年保養品界別都推出唔少 crossover 的產品,
有時見到包裝靚或者好特別的, 就算唔係用開, 都會有衝動想買黎儲, 我知你懂的!
今次我就介紹一下成日都玩新款、百試不厭的《我的美麗日記》限定新品~

今次就係聯乘香港著名插畫家John Ho, 首度推出的兩地主題限定收藏盒! 主題係香港 x  台灣!而我呢盒就係 All in One限定收藏盒(台灣篇)~

香港同台灣的關係有幾close應該大家都明白, 講到最方便的短trip亦一定有台灣份!
今次聯乘系列就以【美麗．雙城】為主題設計出兩款主題限定收藏盒, 由John筆下可愛的「肉肉熊」和「花花貓」化身成為親善大使, 帶領粉絲遊歷兩地, 認識兩地特色小食及著名地標, 一同細味兩城的特色!

左下角就係花花貓喇~~~佢係台灣篇的導遊!
除左文化背景有相似的地方之外, 兩地都有既共通點一定就係 街．頭．小．食!
所以盒子外除了印有台灣地標101大樓外,  仲有一堆你實會講得出所有名既小食~

盒子內總共有14款皇牌面膜,  共25片, 真係日日敷都用到成個月呀! 

25片面膜分別就係:

各3片黑珍珠煥白面膜
墨西哥復活草毛孔緊緻面膜
官燕窩全效滋養面膜
玻尿酸極效保濕面膜
阿爾卑斯雪絨花極緻修護面膜

各1片納豆發酵保濕面膜
角鯊烯修護保濕面膜
大馬士革玫瑰面膜
撒哈拉沙漠柵藻平衡控油面膜
紅酒多酚煥采面膜
沙地蘆薈舒緩面膜
皇室珍珠晶亮面膜
墨西哥仙人掌面膜
南極冰河醣蛋白滲透保濕面膜

**特別加送台灣溫泉細緻保濕面膜1片**

好多款我都未見過 / 未試過, 好正!!!

呢9片都係得一片, 好珍貴!!!
14款面膜入面, 有部份係一直採用的不織布面膜紙, 薄身d, 精華亦偏向清爽型。

另外有部份係極潤型精華液, 布面膜紙都厚身少少~
第一次用呢款面膜紙感覺非常好~~~比薄身的更親膚, 精華多但唔滴漏~

每一款面膜紙後面的描述好像比以前更清楚仔細! 
每次揀一款黎敷都好津津有味咁睇清楚邊款適合當日膚況XD

一收到就試晒全部款喇!! 其中呢6款係我的心水~~~

一盒25片都只係$159, 我覺得用黎送禮好抵又大體~
盒子設計活潑又輕鬆, 每次見到都覺得好色彩繽紛, 人都放鬆d!
就算用完面膜都可以自己refill其他mask, 無平時d紙盒一拆就扔咁唔環保~

最後再提一次, 在香港及澳門地區, 只有萬寧才是《我的美麗日記》的獨家銷售點, 其他地方賣的品質都係無正貨保證架!! 我就好多年前試過格仔舖買過, 一拆就聞到怪味.....想買都係去萬寧啦!

查詢電話：3425 4656
網址：www.beautydiary.com.hk
Facebook：www.facebook.com/MyBeautyDiaryHK

▌生活 ▌忙碌中除了咖啡還有花茶 ♥ 捷榮茶作系列...*

從前的我完全不喝咖啡, 只喝飲料和茶 (也甚少喝水)
坐在辦公室內9小時基本只喝茶, 所以「喜歡喝茶」已經成為同事間對我的了解。
以前喜歡喝濃茶, 普洱是我最愛; 近年愛上咖啡、綠茶和花茶, 曾經為左飲返Cafe飲過的一款花茶, 搵左幾日先搵到有舖頭賣然後收工衝去買....

 

如今咖啡已成為我每日所需, 但與此同時, 我亦堅持每天下午飯後就是開始喝茶的時間。
上班日一定要喝茶, 這種心癮完全止不住, office座位裡一定至少有3款不同的茶葉茶包, 配合當天心情而決定喝哪款。

收到這兩盒三角茶包, 才知道捷榮除了咖啡奶茶, 原來還有花茶。


捷榮茶作系列共有四款, 除了圖中的玫瑰茉莉花茶和桂花烏龍茶之外, 還有鐵觀音和普洱。



花茶來說我一直都偏向玫瑰花茶, 平時為了便宜喝玫瑰花茶我會自己買綠茶茶葉再買多包玫瑰乾花製作茶包, 而家有捷榮茶作系列對我來說真的是一個福音!


捷榮茶作系列採茶時嚴格區分不同生長地帶的茶樹, 深入原生態茶園, 選取優質鮮葉, 務求達到最好泡茶效果;
而且講究不同茶種最佳採摘時令和製茶氣候, 更對早青、午青、晚青嚴格分開製造。
其實市面上所賣的茶葉茶包五花八門, 有時真的好難選擇, 所以用品牌來選應該比較安心。
尤其最近才聽聞有很多超便宜茶葉根本無法追溯源頭, 而捷榮就運用HACCP危害分析管控原則(Hazard Analysis and Critical Control Points), 可溯源至種植源頭, 飲落就更安心啦。

由於自己係玫瑰花茶的愛好者, 當然首先要試試玫瑰茉莉花茶啦!
花茶採用早春鮮嫩綠茶及新鮮茉莉花, 以精準比例配製, 運用「六窨一提」的頂尖製茶工藝,
香氣回韻持久, 並調入芬芳馥郁的玫瑰花，茶味清香脫俗
每一盒都有10個三角茶包, 每個茶包都有3-5棵玫瑰花, 一沖就聞到淡淡玫瑰花香!


而桂花烏龍茶這個配搭我真的比較少見~
花茶選取清香典雅的烏龍茶, 並調入高雅芳馥的窨製金桂花, 香味獨特。
桂花在我心目中一直都是比較淡口沒有很突出味道的食材, 但原來配上烏龍茶都幾夾!


玫瑰茉莉花茶頭一兩沖比較濃郁, 玫瑰花味在後期會較易散去;
反而桂花烏龍茶雖然一開始較淡口, 但在茶味方面比玫瑰茉莉花茶更持久耐喝, 沖多幾杯都仍然有淡淡清香, 有驚喜!


平時烏龍茶係我較後的選擇, 捷榮這款茶包完全扭轉了我烏龍茶的印象, 以後喝茶又多一個選擇!

捷榮亦為「捷榮茶作」系列的茶包產品製作了一段「再一次綻放」的宣傳短片,
主要以都市女性及花茶為故事題材, 講述大多數的香港女生都顧著為事業拼搏而忽略了善待自己。
其實我覺得喝茶真的有安心寧神作用, 尤其是營營役役的忙碌工作上, 如果能偷閒呷上一口好茶, 絕對是一個舒緩身心的美好時光。其實, 生活這麼苦, 為什麼不可以對自己溫柔一點呢?
https://www.facebook.com/TsitWing/videos/1111318165602664/Facebook 專頁：https://www.facebook.com/TsitWing/
我很慶幸自己養成喝茶的好習慣, 這份心癮, 希望可以一直維持下去。

▌美髮 ▌治愈系護髮 ♥ Natvra 草本蜂蜜花果香氛洗髮護髮系列...*

咁多年黎, 屋企用的洗護髮、淋浴產品一向都係由媽咪發辦, 佢話邊隻特價、賣廣告吸引等等就會買邊隻, 
直到呢幾年開始會自己揀下想用的產品, 尤其係洗護髮產品好多都已經加入「無矽」行列, 其中好多亦都已經打破左以往「無矽=鞋恰恰」的印象喇~! 我呢排用的就係其中之一~

呢兩枝就係 Natvra 草本蜂蜜花果香氛洗髮護髮系列 產品喇~~
Natvra 是日本集團SPR旗下的產品, SPR於1998年創立, 最早以香水起家, 
在日本以身體、頭髮清潔品類商品的企劃、開發、製作、販售為主。

而Natvra是由natural和value組成, 代表「質樸自然無添加」+「真實的價値感」。

簡單黎講就係無添加的護髮產品!
用4、5、6黎呵護秀髮~

四大植物性修護配方取代對人體有害的化學物,修補受損的毛鱗片,包括楓樹樹液萃取、白池花萃取低聚交酯、咖啡豆萃取、水解大豆蛋白

五種蜂蜜萃取美髮成分, 滋潤頭皮而不阻塞毛囊, 改善因乾燥引起的頭皮屑及痕癢問題,包括水解蜂王漿發酵物、蜂蜜、水解蜂蜜蛋白、蜂蠟、蜂王漿萃取

六種植物精油及油脂保濕成份, 由日本香水權威SPR專家研製, 以黃金比例調製出彷如置身花園中的花果香氣,
包括橄欖油、堅果油、荷荷巴油、牛油樹脂、芒果脂、可可脂不含人工合成香料, 減低致敏機會

透明黃樽的是洗髮水, 白色的是護髮素。

兩枝都係弱酸性洗淨成份, 不含人工色素、合成香料、礦物油及矽靈, 
胺基酸及甜菜鹼洗淨成份能帶走油脂污垢。

洗髮水好易起泡! 每次我都係泵兩下就夠全頭用,
而護髮素的就會泵4下, 始終電過的髮質比較傷, 我會用多少少, 尤其集中於髮尾~~~

電髮之後就轉用佢, 用左一個月有多喇, 感覺非常唔錯, 除左覺得佢用完頭髮一D都唔會鞋恰恰, 而且唔會沖極都仲滑潺潺咁, 尤其中意佢陣草木加少少精油的香味, 雖然唔係一般市面上好似香水好濃的香味, 但呢種清新的味道更加令人醒神呀! 睇返資料先知原來佢個香味都好講究, 仲有前中後調之分:

前調：在洗髮時散發甜橙油、洋甘菊花油、迷迭香葉油和尢加利葉油的香氣
中調：在吹髮時飄散出依蘭花油、薰衣草油、天竺葵油、藥鼠尾草油及茶樹葉油的清新氣味後調：以岩蘭草根油作後調, 在髮間滲出陣陣草本怡人香氣

我自己就覺得洗髮時的味道最明顯最好聞喇! 你呢?

Natvra草本蜂蜜花果香氛洗髮露 $89/500ml

Natvra草本蜂蜜花果香氛護髮素 $89/500ml

銷售點: 140間指定萬寧有售