▌日常 ▌最貼心的聖誕新年禮物 ♥ Sudio Tre 藍芽耳機...*

我一向唔覺得有咩特別需要用到藍芽耳機,
就算去做gym都因為好少踩跑步機, 大多是玩單車、橢圓機, 用普通耳機都不會有太大影響,  
所以之前的藍芽耳機都送爸爸揸車用了~

直到我入秋開始落街跑步, 發現原來.....耳機線真的超級阻礙跑步集中力呀!!!!
已數不清有幾多次跑跑下雙手Kick跌耳機線...
呢個時候就萌生再買一個新藍芽耳機的念頭...

然後今年生日我就收到 Sudio Tre 的藍芽耳機喇!!!!
已經係我第四副 Sudio 耳機喇~~~仲燒埋男友次次去影音店都睇下有冇新款新色推出....

Sudio Vasa 我就選了藍色, Sudio Regent 就選了黑色, 
今次就揀左粉紅色~~~

包裝內除左有耳機之外, 仲有圖中所有配件~
連耳塞都有4個size

Sudio Tre 係Sudio 獨家設計師 Mats Wallsten 所設計的第六個耳機喇~~
有無留意到佢耳機設計同平時入耳式的耳機有d唔同?
我以前都唔習慣用入耳機, 不過慣左又覺得入耳式好舒服喎~
但係仍然有好多人都係唔太喜歡的, 所以藍芽耳機的選擇都有所限制, 
呢款耳機就用左特殊耳勾設計, 而且附有三種不同尺寸, 
客製化的鰭狀防滑穩定翼, 跑步做運動都無咁易甩!

spec 方面都相當唔錯架!
♥ 藍芽4.1技術
♥ 9小時(不間斷使用), 10天(待機)續航力
♥ 距離設備方圓15米以內可使用♥ 高清音質麥克風
♥ Siri語音聲控
♥ aptX™音訊編碼技術

而最重要就係有10分鐘快速充電(micro usb)!!!! 臨出門發現唔記得充電都唔使怕搭車 / 做運動無得聽歌煲劇啦!!! 不過有時間的話就可以慢慢充夠120分鐘令電池充滿電更加耐用~

試過戴住跑步真係完全唔會甩, 有時我用入耳式耳機都會跌出黎架~~
而家跑步真係care free呀!!!! 好爽! 唔使再比條耳機線kick住!!!

除左運動之外, 我發現平日用都好方便呀....
返工又好出街又好, 我個袋都係好重好多野.....有時左手轉右手拎袋又要顧埋條耳機線, 都會覺得唔多耐煩XD

用藍芽耳機就無呢個煩惱!

音質方面, 即使我習慣左入耳式耳機, 都唔會覺得佢唔夠貼耳音質唔夠集中, 
值得一讚的是通話質素都相當唔錯, 無論係聽定講都好清晰!
係今年收過最貼心的一份禮物呀!

♥ ♥ ♥ ♥ ♥ ♥ 聖誕就快到, 如果仲未買禮物比身邊朋友仔, 唔好錯過呢個優惠喇!!! ♥ ♥ ♥ ♥ ♥ ♥ 

凡於Sudio HK/Macau官網購買耳機產品, 結帳時輸入折扣代碼「 winwin」 就可以享有官網商品15% off + 價值$30的FREE gift packaging 喇♥️

www.sudiosweden.com/hk

Instagram: /SudioSweden   #sudiomoments    
Facebook: /SudioSweden   @SudioSweden

▌美髮 ▌超神奇的VS全新泡沫護髮素 ♥ 零黏膩但好滋潤 ?!

上月旅行前終於的起心肝去整頭, 大概一年先會大執個頭一次,
剪走晒爛髮, 當然想好好Keep住髮質啦~
所以去日本都特別留意護髮產品, 帶左2, 3件返香港試下!!!

返到黎香港無幾耐就見到電視賣緊剛在11月尾上架的VS 首創全新泡沫護髮素~
標榜零厚重零黏膩, 而且泡泡狀的護髮素真係第一次見, 勁好奇到底好唔好用!

近年都用過好多唔同的美髮護髮產品, 不過要夠滋潤的大部份都係Cream狀或者係油狀產品, 有時用完都要花多少少時間沖洗, 或者整到成手都油有排洗....頭髮產品來講, 除左泡泡染髮都未見過有其他產品係泡沫狀!!

VS全新泡沫護髮素採用了創新的氣墊科技,
可以在髮根處及頭髮間打造輕盈氧氣夾層, 令頭髮滋潤無負擔。
無睇錯, 真係可以搽埋髮根~~~只有無矽靈的護髮產品先可以搽上髮根架~~~

使用前要先搖勻, 再按指示吱出適當份量, 我頭髮長度全頭大概會用1.5個份量~
吱出黎係好挺身的泡泡黎架! 唔需要加水唔需要搓揉就有泡, 勁方便!!!
而且質地係好輕好輕身, 分子夠細可以好容易比髮絲吸收~







































平時洗完頭d頭髮一定打晒kick, 要用大量護髮素先可以慢慢梳返開, 而且期間仲會甩一堆頭髮,
相信唔止我係咁!!!!
但係第一次用泡沫護髮素已經覺得好神奇!!!!
因為明明D泡好輕身好清爽, 掂到頭髮之後基本上好快吸收,
以為係遇水溶左, 但當一邊搽一邊用手指梳開頭髮的時候, 就會發現完全冇打kick, 所以都甩少左d頭髮呀~

重點係 : 一沖水就可以沖乾淨, 零殘留感, 完全唔會滑潺潺!!!!!

佢係同一般護髮素唔同, 即使係平時標榜無矽護髮素, 質地都會偏厚身又黏膩,
而泡沫護髮素係完全改變左呢個形象!

用完之後頭髮輕盈左~

電完梨花頭之後, 每日都要將髮尾吹返靚個形, 如果使用太重負擔的product, 頭髮會重左, 仲會影響捲度架~~~~一枝無負擔夠輕盈的產品都幾重要! 加上泡沫護髮素添加珍貴養護成分, 都好適合受損毛躁髮質專用, 用完之後毛躁問題係有d 改善o既!!


產品售價: $79.9/180ml
各大個人護理產品有售

▌身體保養 ▌中藥蒸身+人手淋巴減肥理療 ♥ 從心養生館...*

踏入30歲之後除左明顯感受到新陳代謝變慢之外, 
發現就算有定期運動, 水腫問題仍然無法輕易解決。
早1, 2年做完運動水腫會退, 但係近大半年好似連做完運動都仲係腫腫地, 自己又懶按摩(又覺得按摩攰...)
所以自從試過一次中藥蒸身之後, 就迷上了靜靜坐半小時就能排毒的功效!

對我黎講做facial又好body treatment又好, 地點當然係愈方便愈好, 
我會揀一做完就有車返到屋企的地點, 今次體驗的 從心養生館 位於九龍尖沙咀金巴利街7-15號安聯大廈14樓A室, 
就地點黎講真係超方便呀!

從心養生館的宗旨就係運用推拿復位, 以不開刀、不打針的方式解決大部份痛症。
用徒手整形手法做到五官整形, 體形塑造之效果。
除左身體不同部位的徒手整形之外, 仲提供人手淋巴按摩、人手淋巴減肥、磁頻機瘦身瘦面、仲有我今次最期待的中藥蒸身!

今次我就過黎做中藥蒸身+手臂減肥, 黎到第一件事就係換衫準備蒸身喇! 因為人手治療之前蒸身就可以打通全身經絡, 令血氣運行, 效果亦會更好~

首先我要揀一款藥材包, 藥材包有足足8種可以揀, 款款都有不同功效!
我就揀左「清排調理」, 功效係平衡人體, 清熱排毒, 除濕祛熱~其實款款都好想試, 但一見到「清熱解毒除濕」呢幾個字就無猶豫啦!!

揀好藥材包, 治療師就會即刻去煲熱佢準備好一陣蒸身, 我就換上紙t-back同浴袍~飲返d水就可以開始喇。

呢度地方唔算好大, 但係進行蒸身/治療的區域好闊落! 有兩個蒸身的間隔, 可以同朋友仔一齊蒸, 又可以360度落簾有自己私隱度~

有樣野雖然好細微但要讚, 就係座位上面舖左一塊好薄的墊, 其實衛生好多架!!
引底位置仲有個碌, 一邊焐一邊碌下腳底好正~~~

事不宜遲喇我蒸喇! 雖然個蒸櫃有位可以伸手出黎, 但今次我冇拎電話, 因為想好好enjoy成個過程!!! 影左幾張相就密封自己慢慢蒸!

之前試過蒸身, 唔知係咪掛住玩手機, 一直都唔係好大汗, 直到最後10分鐘先有狂流汗的感覺, 
但今次我靜靜地蒸, 幾分鐘之後已經feel到自己流汗流到落腳指尾!! 
蒸身前治療師會提供一枝水~而且每10分鐘就入黎關心一下你有冇唔舒服, 溫度會唔會太高, 好貼心~
我就覺得頭一半時間溫度都好舒服, 跟住會覺得熱d, 當覺得有d熱果陣就要飲水補充返水份喇!!!
半小時話咁快就過, 蒸完覺得自己流左一公升汗XD

抹下身換返個袍就要進行下一個療程 - 人手減肥!
如果好似我咁想減手臂, 其實都要比治療師睇睇手臂係咪浮腫型, 如果唔係的話其實都無咁容易見到效果架!
我一直覺得自己手臂係脂肪多, 但治療師話我好腫呀! 摸完覺得淋巴都好塞~所以呢個療程都適合。

治療師會全程徒手進行療程, 首先會捏, 仲會轉, 仲有磨, 感覺好似刮痧但徒手刮!
過程係痛架! 睇我個樣就知, 而且係忍唔到的痛, 會忍唔住面容扭曲~ 但唔痛d毒素始終都推唔走, 又真係冇用架喎, ....有推開淋巴都應該知~

推完左手推右手, 以為有得抖之際, 居然仲要包鹽水帶, 感覺好古法!

包完大概要等10-15分鐘左右? 因為包得幾緊所以我對時間無咩概念~ 

治療師有幫我量度前後手臂粗幼, 完成療程後尺寸係少左1/4 吋架~~~無拍照記錄太可惜了...

今次做的係減肥理療, 手法同平時的relax形按摩唔同~~整體黎講過程唔係勁relax果種,但做完感覺好爽覺得全身都輕盈左! 如果皮膚容易敏感的朋友仔要視乎自己情況同治療師先作溝通喇~~~  

最後提供各項服務價格比大家參考, 除左單項服務仲有4款養生套餐選擇, 都幾抵架!

有興趣試做的話, 只要講出係WinWin介紹，
即可以半價優惠享受任何正價療程一次架喇~(此優惠只限新客人)

最後提供各項服務價格比大家參考, 除左單項服務仲有4款養生套餐選擇, 都幾抵架!

從心養生館
九龍尖沙咀金巴利街7-15號安聯大廈14樓A室
預約電話: 2722-0028 / 6162-5058
Facebook: chongsum.health

▌保養 ▌毛孔細紋趁早解決 ♥ IPSA Targeted Effects S+G 面霜...*

如果時光可以倒流, 我一定會趁20歲時好好保養肌膚,
尤其是毛孔及鬆弛問題, 正正就是看起來顯老的主要元兇呀!!!!一旦出現了這兩種肌膚問題, 就得花更多時間心機去保養了!

近年成為我日常愛用品牌的 IPSA 就為迷茫的少女和輕熟女們設計了針對毛孔和細紋呢兩個肌膚問題的新產品喇! IPSA 發現肌膚成熟的跡象是有兩條不同的形成路線,
20歲左右的輕熟肌開始會出現毛孔粗大的問題, 同時眼周及咀角都會開始出現細紋;
到30歲左右的熟齡肌就會開始出現面部鬆弛, 皺紋亦開始變得深邃....(係呀係呀真架!)
去到50歲左右的成熟肌, 下垂、鬆弛和皺紋就會同時湧現喇!!!!!

知道「毛孔」和「皺紋」問題形成的軌跡, 就可以提早針對兩個問題對症下藥喇!
全新 Targeted Effects 重點緊緻活肌面霜 S(毛孔) 及 G (皺紋), 可以針對修正肌膚酵素。

面霜S(毛孔) : 阻截粗大毛孔演變成下垂肌膚;
面霜G (皺紋): 撫平細紋，淡化深遂皺紋。

相比皺紋問題, 我的毛孔問題更嚴重呀!!
以前以為毛孔大最多咪一點點, 無野既~但原來毛孔會隨住年紀一路下垂, 甚至聽過水滴型毛孔,
唔理佢的話, 皮膚睇落會好鬆, 完全唔緊緻.....

呢罐 Targeted Effects重點緊緻活肌面霜S (毛孔) 蘊含SOD Triple Recharger 三重抗氧化複合物,
包括櫻花葉萃取(Cherry Leaf Extract)、銀杏葉萃取(Ginkgo Leaf Extract)、黄芩根萃取(Scutellaria Extract),
令表皮的SOD酵素回復活躍, 有效抑制破壞膠原和造成肌膚下垂的高攻擊性活氧, 提升肌膚抗氧能力, 令肌膚細緻飽滿。

唔講唔知原來皮膚底層的SOD 酵素會隨年紀增加而減少, 無法抑制活氧的增長和毒素, 呢d活氧會減弱纖維細胞, 破壞膠原架!!!
而成份中的精氨酸 (Arginine hci)有效抑制膠原蛋白的糖基化;
橄欖葉萃取(Olive Leaf Extract) 有效抑制膠原的羰基化。
人參根萃取(Panax Ginseng Root Extract)有效修復及提升肌膚彈性。

面霜 s (毛孔) 係霜狀質地, 好易推, 推開覺得幾潤滑!



搽完之後肌膚水份上升度都令人滿意!




Targeted Effects 重點緊緻活肌面霜G (皺紋) 就係針對「細紋、皺紋」而設。
原來年紀化愈大, 肌膚表職的明膠酶酵素受到紫外線日積月累的傷害, 就會破壞細胞代謝, 更會將膠原分解, 令皮膚上的細紋慢慢變成皺紋.......


所以成份方面特別注入洋委陵菜根萃取(Potentilla Erecta Root Extract)有效抑制表皮的明膠酶的活躍性酵素,
阻止膠原分解, 預防及撫平皺紋, 回復肌膚彈性飽滿。
而甜茶葉萃取(Rubus Suavissimus Leaf Extract)可抑制透明質酸分解;
牛至葉萃取(Origanum Majorana Leaf Extract) 促進透明質酸增生。
同樣含有人參根萃取(Panax Ginseng Root Extract)有效修復及提升肌膚彈性。

面霜G (皺紋) 質地比較偏向乳液狀, 同樣相當滑易推! 搽完明顯有光澤感~



用後皮膚水份度上升令人驚喜!!!


為左可以照顧皮膚上唔同肌膚問題, 我係會兩款面霜搽唔同部位架!!
S - 毛孔就搽T zone 及鼻旁毛孔粗大的位置 ; G - 皺紋就搽額頭, 眼底, 下巴和咀角位置~


搽勻之後再配合少少按摩和拉提動作, 兩款面霜的滋潤度都好夠, 好適合秋冬使用~


搽完會覺得皮膚光滑左, 亦有光澤左~
不過試用期比較短, 未可以同大家分享對細紋和毛孔的效果喇~~~

Targeted Effects S+G 兩款面霜售價都係HK$680/30g, 如果有興趣就唔好錯過喇~
更多產品資訊:
Website:  http://www.ipsahk.com/
FB Page:  https://www.facebook.com/HKIPSA
專櫃:
銅鑼灣 崇光
朗豪坊 Beauty Avenue
尖沙咀 崇光
尖沙咀 海港城
金鐘 Harvey Nichols
銅鑼灣 時代廣場FACESSS
中環 Harvey Nichols
澳門   八佰伴
專門店:
沙田 新城市廣場
屯門 屯門市廣場
觀塘 apm
上水 上水廣場

▌日常 ▌你的 Sudio 耳機壞了麼 ♥ 一年保養新產品更換服務...*

好久不見! 秋天又靜悄悄到了!

秋天最好節目就係乘著涼, 坐在戶外Cafe嘆著香濃咖啡, 聽著音樂一邊悠閒地曬曬太陽和看看書!!

去年秋天開始用的 Sudio Vasa 耳機早前不幸地掉了一個耳塞, 結果要隨便買雜牌「頂住檔」使用; 
然後不知為何好像有點接觸不良的情況出現, 剛覺得好可惜的時候, 發現原來 Sudio 有提供超棒的 「一年保養新產品更換服務」!!!!!!

留意返, 不是維修, 而是新產品更換服務!

哈哈~~~新舊同時出現先見到原來舊的耳機已經被用得很殘舊了, 連顏色都變了XD

到底要怎樣申請「一年保養新產品更換服務」的售後服務呢???

Sudio 只會為一年內購買, 而且非人為損壞的產品提供「免費換新」的服務首先, 產品需要購買期一年內, 而且持有購買產品時的收據 (網上訂購的客人只需提供電郵地址/姓名/Order number就有記錄了!) 
然後可以經 官方網站 以 livechat 或發送郵件至 info@sudiosweden 與客服聯絡, 提供產品損壞的情況~
客服會視乎產品的損壞陳述作出能否寄出新產品的決定, 需要時亦有機會要求客人寄回舊產品。(即使要寄回產品也可以用平郵寄出, 郵費較便宜)

我跟客服聯絡反映耳機問題之後, 客服不到一天已經回覆會寄出新產品, 
而且超快就已經收到Sudio 提供的快遞公司運單號碼, 由聯絡客服到收到新產品都只不過是3天時間!!!
收到的不只是耳機, 而是一整件全新包裝連配件的耳機 ♥ ♥ ♥ 

可以用返原裝耳機塞好感動!! 你知雖然一pack有幾個size, 但不是每個size都fit自己, 你懂的!

身邊朋友試過 Sudio 耳機之後都說性價比甚高! 男友更是讚不絕口, 每次去HMV都要研究有咩新款式!
我就打算下月生日入手藍芽系列比自己做運動用~~~

如果你的 Sudio 耳機好像出現小狀況而又未過一年購買期, 趕快聯絡 Sudio 客服享受一年保養新產品更換服務吧 ♥

www.sudiosweden.com/hk
全港免運費, 一年保養, 網上購買可享免稅優惠

Instagram: /SudioSweden   #sudiomoments    
Facebook: /SudioSweden   @SudioSweden