Win's blog: 9月 2017

2017年9月22日星期五

▌保養 ▌滲透力輕鬆 UP ♥ SK-II R.N.A.POWER x 智慧小紅棒 ...*

每次問 or 被問有咩辦法可以令塊面緊緻d, 或者令護膚吸收d,
答案一定離唔開兩個答案: 揀適合的保養品 or 按摩啦!
有時覺得個答案好似有少少「鬼唔知咩!」, 但諗深一層其實又真係不二法門黎喎.....

2017年過得飛咁快, 係呀轉眼又老半歲, 歲月唔等人, 皮膚質素都係!
又孖住好友 Cat 出席 SK-II R.N.A.POWER 新品活動, 轉眼我們的友誼又多半年 ♥
每次出席SK-II 活動都好緊張, 因為又到派成績表的時候, 到底事隔半年又做 Magic Ring 測試結果係點呢?

每當我以為皮膚狀態一般的時候, 測試結果都係驚喜架!
仲keep到25歲肌齡我已經覺得好滿意喇! 比真實年齡都少6年架XD
最擔心的色斑問題有改善喎! 5個部份分數都幾平均。

做完測試即刻聽下產品介紹先~
今次的新品竟然唔係眼霜面霜精華, 而係我最中意的美容小幫手!

有時少不免會覺得明明已經好勤力保養, 但肌膚狀況總係每況愈下, 其實除左年紀漸長或者揀錯護膚品, 轉季的天氣變化和環境有害因子傷害, 都會令肌膚角質逐漸囤積、變乾、變硬、凹凸不平, 繼而影響護膚品滲透肌膚的能力架!

點樣先可以加強護膚品滲透力呢? 除左揀適合的產品, 就係按摩喇!
但我知好多人都我一樣都係懶底既, 按幾下攰攰地就放棄, 而且堅持唔夠幾日, 忙就懶得按,
如果係咁或者呢枝「磁力微振導入儀」就幫到你喇~

呢枝「磁力微振導入儀」又叫做智慧小紅棒, 原理係以SK-II 獨家磁力微振科技一分鐘超過 7,000 次磁力微波振動, 與指腹塗抹相比, 可以提升三倍滲透力, 使護膚成分直達肌膚底層, 減淡皺紋、回復細滑緊緻。

而且佢仲有一套「微笑磁力按摩法」架!
用之前當然都要配合返產品先可以有最大的功效啦~
首先搽左 R.N.A. 彈性再生精華或者立體緊緻精華霜, 然後就可以開始使用小紅棒喇~

我呢排都係配R.N.A. 立體緊緻精華霜使用的!

單用R.N.A. 立體緊緻精華霜而唔配智慧小紅棒其實都好夠滋潤又令皮膚好滑架喇~
但配埋小紅棒用, 個滲透力真係會更加明顯有分別。

如果有配小紅棒, 使用分量仲可以多返少少。

小紅棒設計都幾貼心, 只要握住「磁力微振導入儀」手柄金屬環位置,
將導入儀的金屬按摩頭平放於臉部後, 導入儀會自動開始振動~

♥ 首先沿著臉頰由下而上輕推, 接著沿臉頰從內向外移動。

♥ 將導入儀移動至額頭, 向上按摩；最後沿額頭中心向外按摩。

♥ 每個部位輕推15次, 使護膚成分深入肌膚底層。

平時要用手去按摩, 講真好快覺攰會想放棄, 但用智慧小紅棒完全唔使點用力, 睇住電視推推下, 不知不覺按摩左好耐架喇~~我都好難得晚晚都上癮咁用, 有時都會用力少少按下~

另外我仲發現用佢黎打圈按鼻可以收毛孔!!!! 用完個鼻會滑好多~

我自己覺得最明顯係去水腫, 同埋用完之後皮膚係柔軟度係大大改善! 而且真係太方便喇, 日日用都無難度~
我最想改善右邊面的法令紋, 一定會繼續勤力用架!

要緊緻肌膚又豈能一朝一夕做到, 去進行深層美容療程可能可以一步登天,
不過靠住每日默默努力去一步步達成目標應該更有滿足感!
人始終都會老, 最緊要老得靚!

成長(?) 路上有你相伴, 老又有咩好怕喎 ♥

如果你都想體驗 SK-II 產品, 可以到以下網址登記,
仲可以做埋 Magic Ring 測試睇睇皮膚有咩問題~

點我預約

更多產品資訊: https://www.facebook.com/SKIIHK/

#雞彈肌

#小臉霜

#智慧小紅棒

#RNAPower

#SKII

#SKIIHK

2017年9月20日星期三

▌保養 ▌15天去痘必見效 ♥ absolution 淨肌修復精華...*

呢兩個月唔知做乜下巴又連環爆痘, touchwood 叫做無一次性爆勁多粒,
但係都一粒接一粒咁生, 生親都係紅腫痘痘.....
而家人大左, 新陳代謝慢左, 生粒痘都好難退, 痘印就花費更多時間....
不過! 最近試左一隻對痘痘毛孔都好work的精華!!!!

係法國時尚有機品牌 absolution 的產品 - La Cure Peau Nette 淨肌修復精華。

先講講absolution 少少背景先, 佢係於2009年成立, 產品致力追求環保理念與都市生活的完美平衡。
產品以野生植物、花卉、天然礦物及維他命為內在根本, 設計崇尚簡約、高度有機認證, 而且係按肌膚的情緒狀況而設, 男女同樣合用!

La Cure Peau Nette 淨肌修復精華主要功效係淨化肌膚及平衡水油, 並改善泛紅或油脂失衡的情況,
最後減淡甚至消除色斑, 修復肌膚。

而產品所蘊含的主要成份有：

♥ 圖爾西葉(Tulsi): 源於印度, 又稱為聖羅勒。以淨化、殺菌和抗菌著名。其排毒功效幫助全面潔淨肌膚污物、降紅及平衡油脂分泌, 締造啞緻肌膚。

♥ 微粉銀離子(Micronized silver): 是天然的盾牌：調節和穩定一些皮膚上微生菌群, 同時可以防止細菌生長。其抗炎特性有助於皮膚優化肌膚生態平衡。

♥ 印度大風子油(Chaulmoogra) : 在亞洲醫學被廣泛應用。蘊含稀有脂肪酸, 可以舒緩受刺激或損傷的皮膚。更可調整改善皮膚色素, 對斑點的色素問題非常有幫助。

♥ 益生元(Prebiotic): 您的皮膚生態由不同微生物組成並與您的皮膚和諧相處, 該微生態儼如肌膚一道屏蔽防禦感染或炎症。然而皮膚微生態亦會因外在環境侵擾, 導至失衡；因此, 在產品中加入益生元能幫助益生菌維生，使其繼續守護我們的肌膚。

一盒$620 只有15枝精華, 好珍貴! 每日用一枝, 15日就完成一個療程。

每枝都係用先新鮮啪開佢! 用唔晒就可以將個蓋反轉蓋實~
我就會每日用一枝, 朝早用一半夜晚用一半。
由於除左去痘的功效之外仲可以收毛孔喎, 所以我不吝嗇每次都會全面用!

精華呈深灰綠色, 好草本feel! 聞落都有少少草本味咁~~~

精華的質地好好推, 推開都好快吸收晒, 我當然重點搽左下巴重災區先,
然後再搽鼻同面頰毛孔粗大位, 每次用半枝係剛剛好夠全面用的。
好勤力15日不間斷使用~~~~

睇下下巴粒又紅又腫的痘痘, 就知道淨肌修復精華的威力!
平時就算細細粒, 晚晚搽暗瘡膏都好, 都好耐好耐先會好返, 個印仲會頑強地stay返2, 3個月....
而家係15日由大大粒瘡變成得返淡淡的印, 簡直係驚喜! 不過亦都發現新痘去印速度同效果都比舊印快~~

我亦都留意到, 搽左呢枝精華之後, 痘痘的表面係會好快長出一層薄膜去保護果部份皮膚,
開頭我仲以為係皮膚乾所以甩皮, 但後來覺得同甩皮情況唔同, 應該係一個修復過程, 只要唔撕走層膜粒痘痘會快d復原!

除左痘痘之外, 我覺得毛孔方面亦有明顯改善, 尤其係鼻兩旁的毛孔真係睇到佢有收歛~~~
親身見証到淨肌修復精華的快速修復皮膚的效果, 我覺得其實呢盒精華真係唔算貴,
其實出去做一次Facial 都唔止, 當佢係急救品也好, 密集修護療程都好~

最後要提一提, absolution 淨肌修復精華已通過法國Ecocert Greenlife認證。
100%不含對羥基苯甲酸酯(Parabean)、聚乙二醇(PEG)、鄰苯二甲酸酯(Phthalates)合成色素或香料。

邊度買到?

10/10 HOPE (誠品書店) 銅鑼灣希慎廣場8樓誠品書店802號舖

10/10 HOPE (LAB Concept) 金鐘金鐘廊LAB Concept B11舖

10/10 HOPE (太古城) 太古城中心地下誠品生活G015號舖

10/10 HOPE (星光行) 尖沙咀星光行2樓誠品生活

10/10 HOPE (又一城) 九龍塘又一城UG-40號舖

2017年9月15日星期五

▌保養 ▌晚間滋養不馬虎 ♥ Jouvé Nourishing Night Cream...*

工作和學業愈來愈忙, 開sem唔夠兩個月已經覺得一邊工作一邊讀書真的不簡單!
但是為了更好的待遇及証明自己的能力, 雖時有埋怨但每完成一個task, 一份功課後倒也有點樂在其中。
雖然已盡力不想經常晚睡寧願犧牲每個星期天去做功課, 也少不免死線前要開一開夜車,
但係幾忙幾夜訓都好, 保養程序我都一定唔會skip任何一步, 因為知道自己皮膚問題多多,
保養已比人遲起步,不能比別人更懶喇!

踏入30歲已經開始接觸更多主打抗氧化、抗皺、緊緻提升的產品,
亦漸漸覺得只靠保濕根本不能滿足這個年齡的肌膚需求啊!~
以往即使是乾燥的冬天我都不習慣使用滋潤型面霜, 但現在反倒喜歡使用有點油份有點滋潤的產品,
呢罐來自美國的 Jouvé Nourishing Night Cream 滋養面霜都可以話相當適合呢個年齡的我呀!

Jouvé 堅持採用來自世界各地天然純淨的頂級原材料, 而且承諾永遠不會進行動物測試,
所有產品已榮獲美國 EWG 無毒認證, 也通過「無動物測試認證」及「躍兔認證」, 亦不會在產品中添加如防腐劑、香料、色素、矽氧烷、甲醛等任何有害成份。

而呢罐 Jouvé 滋養晚霜 Nourishing Night Cream 就提倡「先喚醒、後滋養」的晚間保養法。
採用革命性的幹細胞喚能技術, 成份提取自大葉醉魚草, 可以深層修復滋養肌膚, 有助喚醒及啟動皮膚自我更新過程, 促進肌膚逆齡生長, 同時保護肌膚免受UVA 的光線傷害、由 UV 引發的氧化壓力, 及酵素所引起的膠原分解。

成份亦包括合歡樹樹皮萃取, 可以除去氧化的線粒體蛋白質, 具排毒功效, 有效緊緻膠原。另外還有巴西金鈕扣花萃取, 有助建構肌膚承托層, 讓肌膚更加立體飽滿、緊緻、富彈性。

除此之外,

源自瑞士阿爾卑斯山的紅雪藻精華高效抗氧化、活化肌膚細胞生命 ;

源自美國的小紅蘿蔔酵素精華幫肌膚注入水分、滋潤肌膚、提升循環 ;

源自日本的紅珊瑚草精華則能提升肌膚鎖水力、強化肌膚免疫力、舒緩泛紅。

留意返因為冇防腐劑, 開封3個月就要用晒佢喇!

面霜質地好似雪糕, 無香味呢點好讚!

質地偏稠但唔算難推, 推開就會覺得皮膚好滑~

我大概用呢個份量啦, 以前覺得搽得多半夜會泛油, 但而家好似要搽多d先無咁易泛油XD

使用後水份和油份都有所提升~

用左兩個星期的感覺係令人安心而且對皮膚無負擔,
佢夠潤但如果加少少按摩都幾快吸收,
有時我真係無時間敷mask都會拎多少少面霜按摩塊面, 按到紅紅地熱熱地就收手,
每晚用完第2朝都仲覺滑, 有皮膚變好的錯覺XD
個人認為用完皮膚係會比之前軟熟, 而且睇落覺得飽滿d, 無之前咁暗黃!
去紋抗皺效果暫時未見到~

HK$1,055/30ml 呢個價位唔平架! 但係如果只係夜晚用而份量其實又唔需要太多,
估計一罐起碼可以用2-3個月, 計返又唔算真係好貴。
大家可以斟酌參考~

暫時 Jouvé 卓霏產品只於 ARIIX HONG KONG LTD 發售。
地址:香港九龍旺角朗豪坊辦公大樓 3501 室

2017年9月7日星期四

▌妝物 ▌霧感啞緻 Get ♥ Bourjois 柔霧絲絨唇膏液...*

我本身唔係幾習慣搽有色唇膏, 一來用慣唇彩, 二來怕太顯色唔襯自己, 三來懶 XD
近大半年試左唔少唇膏, 枝枝都好好用, 加上年紀大左覺得唇色對於整體妝感好重要,
所以呢半年可以話係我搽唇膏最頻密的日子,
而今日分享呢一款, 更加係令我搽唇膏的次數達至歷年最高峰XD

上次就分享左兩件 Bourjois 的底妝產品,
今次就輪到呢8枝 Rouge Edition Souffle de Velvet 柔霧絲絨唇膏液 ♥ ♥ ♥

心水清的朋友仔可能都會記得 Bourjois 的皇牌啞緻絲絨唇膏液,
而佢地最大的分別係, 今次呢隻柔霧絲絨唇膏液的啞緻效果比較有透明感,
對於霧感唇妝感的初心者黎講會比較容易習慣!
而且新出呢枝唇膏液亦比較多清新及具光澤感的色調, 比起之前多數係深沉色調的系列的感覺更加跳脫!

試色時間到!

呢個系列唇膏液的啞緻效果近似天鵝絨質, 而且係半透明, 效果比較明亮清新, 霧幻效果亦較自然。

成份方面亦加入可以軟化及順滑咀唇的可可巴、
富維他命E可以保護肌膚, 亦能改善及均勻肌膚質感的葵花籽、
有效鎖水的含羞草。

我比較適合使用淺色偏粉或橙的唇色, 所以試左01, 02, 04, 05~
我習慣係用手指沾唇膏淚液再輕輕搽勻, 可以見到blend開之後有少少光澤感但又唔會好似唇蜜一樣水嫩嫩。

在不同燈光下, 唇色都會有少少唔同感覺!

01 橙色搽上咀唔會好橙, 幾自然, 返工一流!

02橙紅色比01顯色少少, 好靚 ! (我指個唇色)

04 淡玫瑰色比較少女~

05 深粉紅色輕輕一抹就好夠色, 影相一流!!

有樣野真係要讚, 就係呢隻唇膏液真係可以完全唔需要搽潤唇膏打底,
直接搽已經係上面試用相的效果, 真係零唇紋架! 個人覺得係驚喜既!!
而且佢真係好Long last, 我平時8點搽完出門口, 返到公司食埋個早餐都唔會甩,
雖然只要一食野就唔會有佢聲稱的10小時持久滋潤保濕, 但係個持久度都比想像中好呀~~~

如果大家有心機, 仲可以先用淺色打底, 中間再用深色點開, 就可以輕易打造漸變的霧幻模糊唇色喇~

售賣點:
BOURJOIS專櫃
指定莎莎
屈臣氏
AEON STYLE
客戶服務熱線：2642 2230Facebook 專頁: http://www.facebook.com/bourjois.hongkong