2018年12月13日星期四

▌修身 ▌VegCHEERS Trim Shot 纖蔬飲 ♥ 超方便瘦身小幫手…*

上月踏入生日月, 等待我的是朋友們排山倒海式的飯局,
每年呢個月份我都會肥幾磅, 需知道呢個年紀新陳代謝開始慢, 易肥難瘦,
所以今年就搵到個小幫手, 希望瘦唔到都唔好肥咁多呀!


叫我節食或者食減肥藥去減重減肥我就一定唔會架喇,
不過如果係酵素或者水果蔬菜餐我就好歡迎!
半年前試過用營養粉加連續7日食菜的減脂效果都幾好, 不過餐餐只可以食菜真係要好大動力先得!

今次的小幫手就係VegCHEERS 的 Trim Shot 纖蔬飲,
賣點係天然、無藥性, 以「果菜食療」理念, 匯集左 7 種天然果菜, 並萃取當中減重、纖型功能成分而製成的特濃縮瘦身飲!




好多減肥食品食完可能會肚瀉、面色好差、唔舒服等等,
但係Trim Shot 纖蔬飲就會針對燃脂、 排毒、元氣三方面作出平衡。


七種主要果菜成份:
柑橘
羽衣甘藍
藍藻
菠菜
紅菜頭
蘋果
紅桑子

其實Trim Shot 主要係可以幫助提升代謝, 從而促進脂肪燃燒, 達至減重、減吋效果,
仲幫助排走體內毒素, 毒素少左就無咁易攰,
另外仲幫助抗老化, 回復精神。



一盒10包 x 25g
建議服用方法: 每日1次, 每次1包, 早餐前飲用
強效服用方法:每日2次, 每次1包, 早餐及午餐前飲用



獨立包裝隨時可以帶出街外食前飲一包, 一撕即飲好方便, d同事成日見到我岳高頭係度啜包野XD
第一次飲覺得似濃縮蔬菜汁, 飲真d覺得似濃縮橙汁, 幾好飲, 完全唔會覺得難入口唔想飲架!








頭2日我就先試一日一包, 第一日飲完去食lunch時突然有d肚痛, 本來仲以為咁快有反應....
之後就開始盡量一日兩包, 直到食晒全部都未試過食完覺得肚痛or 想肚瀉的感覺, 相信第一日應該係咁啱食錯野, Trim Shot 係完全無副作用的!
唔會肚痛亦唔會狂瀉, 感覺良好!
不過我有時會唔記得食, 所以斷斷續續都食左成個月, 我真係好無記性呀....



呢個月我大概有3份2日子都係外食,  而且餐餐都食到好豐富, 食左2個蛋糕, 無數個甜品.....
磅數稍微重左1磅左右, 而肚腩都大左0.8cm sosad, 驚喜的係腰圍竟然少左0.7cm真係估唔到呀!
個人認為如果唔係有Trim Shot加持, 我諗我咁樣食法起碼肥1個碼呀....



踏入12月, 我的生日飯局仲未完, 但Trim Shot 就已經飲晒喇
頭先提過 Trim Shot 其實係提升代謝, 所以如果療程期間加埋運動, 脂肪燃燒係會更多、更有效果架!
我諗我都係要跑返多d步, 自求多福先得喇xddd


銷售點:屈臣氏
售價:$220/盒
Facebook: www.facebook.com/vegcheers.hk

2018年11月24日星期六

▌保養 ▌眼周肌膚完美照顧 ♥ Lancôme升級版冰鑽亮眼肌底液...*

呢幾年好勤力護眼, 早晚搽Eye cream都會加少少按摩, 一有時間就會敷下eye mask
不過成左形的眼袋同黑眼圈真係無咁易消失,
唯有揀d再針對性改善眼周問題的產品啦!



最近兩星期就用緊呢枝 Lancôme Advanced Génifique Yeux Light-Pearl
應該無人反對 Lancôme小黑瓶 真係好好用,
所以對呢枝升級版冰鑽亮眼肌底液我亦充滿期待!!!



它的設計及配方共取得七項專利, 而亮眼配方蘊含維他命CG及酵母萃取, 可以加強活化細胞、緊緻飽滿及抗氧化去黑眼圈功效, 有效撫平並紓緩眼周肌膚。



而肌底液最大賣點, 就係呢枝獨特的360°環迴冰鑽按摩棒!



冰鑽棒頭符合人體工學設計, 以彈性粒子連接棒尖的冰鑽珍珠, 冰鑽珍珠仲係以經鑽石粉末拋光的醫療級物料製成, 可以全面防菌,
而彈性粒子接口有如柔軟的Cushion, 可以緊貼眼周肌膚,旋轉角度增加至80度, 直徑比指尖幼細3倍!!



早晚跟住Lancôme 呢三個專業按摩動作, 可以減淡眼袋、預防皺紋及細紋, 令眼睛變得更大~



個人超中意按摩棒的冰涼觸感, 感覺好似用冰匙按眼的感覺一樣, 繃緊的眼周會有即時舒緩感覺;
而且棒頭夠細可以準確按到眼頭眼尾的細微部位,
平時用手指按摩果陣成日會因為接觸面太大推左d眼霜入眼好澀, 用冰鑽棒頭可以完美解決呢個問題!!!



使用短短兩星期, 雖然眼睛不至於明顯變大, 不過個人認為浮腫係有改善!
不過由於精華質感偏清爽, 配合返Advanced Génifique Eye Cream 就perfect喇~~~~~~



過幾日又大一歲喇, 眼睛真係最容易出賣年紀, 我都要繼續好好保養先得,
希望過多5年仲有人話我睇落似廿幾歲呀!
Lancôme Advanced Génifique Eye Light-Pearl™
升級版冰鑽亮眼肌底液
$630/20ml
http://www.lancome.com.hk/
https://www.facebook.com/lancomehk/

2018年11月11日星期日

▌美髮 ▌旱髮救命護理 ! 變身自然又低調的玩色髮型...♥

明明染了髮不久, 但又心思思7月尾去左尖沙咀電髮, 結果髮質看起來糟透了...
10月中終於忍不住想去搞搞個頭, 朋友介紹旺角一間樓上小店比我, 睇過朋友之前分享的髮型照片都覺得相當唔錯, 所以我都好期待!!



這家樓上小店 Boom Hair 位於太子弼街, 其實係花園街前少少勁方便!
朋友特別叮嚀我這裡沒有wifi 也沒有水提供,
對我來說完全沒有問題! 最緊要頭髮整得好, 對不對?



店門外的一大幅花牆最搶眼!
店子不算大, 也沒有非常華麗的裝修, 但到處都以花為裝飾, 也是木系裝潢, 都幾舒服!
這次我是平日放工後過來, 人不多, 可以輕輕鬆鬆整頭!
今次我的目標是做個Hair Treatment再把旱髮都剪走, 哪怕是要剪到膊頭的長度也打算忍痛剪掉! 然後再染回比較深的顏色。
打算養好頭髮之後過2個月返黎電梨花頭~
跟髮型師 Michael 溝通過後, 就放心交比佢!



今次 Michael 幫我使用日本 Webond 200 來做treatment,
上網搵搵資料, 就知道佢係被稱為「救命護理」甚至係「神級再生修護」的護髮產品, 可以增強返頭髮的回彈力。
尤其我呢種長期不斷電染的受損頭髮, 用後可以更有效保護髮絲健康, 而且係無矽架!


第一個Step 就直接加落染髮劑!
由於我只要求要深色髮色, 一切交由Michael 發辦, 只見到佢o係我個頭搽一陣又抹手又搽多陣, 為左保持驚喜我一於少理繼續自拍同loop FB。




染完洗頭的時候就做埋Webond Step 2!
今次就好似一般hair treatment咁洗完頭訓係度等一陣~
(我額頭好長呀真係hahaha)


恰著之際就搞掂呢part喇!
然後就係剪頭髮的時候!
我已做好心理準備至少要剪5吋以上,
但.............咦? 點解剪咁少o既? 真係得咩? 我d頭髮唔爛咩?
Michael 話我曲髮都電得幾高, 要剪晒都無咩可能,
加上知我想電梨花頭, 所以佢幫我剪左真係好爛果d頭髮, 然後再將面層頭髮髮尾修剪,
仲示範比我睇, 只要我吹頭時用手hold住頭髮, 就可以吹出自然向內捲的狀態!!



每次去salon 髮型師都會話好易吹點點點, 但永遠都係唔得架! 就算電過梨花頭, 我都要每次用圓梳幫手先可以吹返個內捲出黎
所以我今次都係聽完就算, 無抱好大期望自己會吹得返XD

 
好啦好啦終於有得睇 Before After!!!!!!!!!!!
之前個曲髮真係睇落髮質好差呀.....做完之後完全唔同左, 好滿意!


原來Michael染髮時又搽又抹手, 係因為要幫我整個low light!
成個頭幫我染左隻帶綠的深啡, 然後隱約見到紅色, 勁靚! 夠低調又有d野睇!


呢幅就係我講過, 門口的花花牆喇! 影髮型真係一流。
大家都應該試過, 剛剛整完頭果陣係好滿意, 但洗完頭過兩日又完全唔係果回事....
所以我都係決定要睇定d先讚!



而家已經過左一個月喇!
我每日真係只需要正常吹乾大部份頭髮, 最後用手輕輕兜住髮尾吹, 就已經可以有好自然的內捲!!!!



當然個捲度唔會好似電梨花頭咁Firm啦! 不過我覺得咁樣都好自然呀!
髮質方面, 估唔到個Webond 200 treatment可以keep咁耐, 明明電過的頭髮仲有一半係度, 但髮質已經大大改善左。



唯一美中不足的是我無用到鎖色的hair product, 所以紅色同綠色都甩晒了 sosad!!!
下次去再染髮之前要買定鎖色product先!
今次效果真係好滿意呀!!! 尤其係唔使電都可以有自然內捲效果,
聽過唔少朋友呻髮型師明明話剪完會自然內捲, 但根本翹到不行, 自己亦試過日日要死吹爛吹先吹到個內捲出黎,
所以我知道真係好考髮型師的剪髮功力!
已經期待緊下一次搵Michael整咩髮型喇~~~~~~~

BooM by Michael Kon
https://www.facebook.com/mickonhair/ 
電話: 6710 9833
地址: 太子弼街61號1樓


2018年10月21日星期日

▌保養 ▌一日一枝肌膚再生 ♥ BIODERMA Matricium 再生水...*

早幾年已經試過BIODERMA Matricium 再生水, 對佢的質地、功效簡直一試愛上, 
過左幾年, 肌膚狀態不如從前, 可以感受一下唔同年紀的肌膚使用再生水到底有咩唔同的感覺!



包裝上聲稱使用Matricium 再生水8星期, 肌膚狀態可以回到20歲, 
雖然我20歲時皮膚也沒怎麼好, 但不管怎樣也會比現在年輕健康, 
加上紫外線等外來因素不停破壞,令細胞賴以健康生長的養分持續流失, 活力、修復力、再生力大幅減退, 
肌膚老化、細紋、乾燥、無彈性等問題都避免不了...
所以對用後效果特別期待!


由BIODERMA研創全球專利 “Matricium再生水”經過 14年科研而成, 是醫學用途之皮膚組織再生液。
蘊含氨基酸、礦物質、維生素、核甘酸及尿酸等多種天然存於人體的生物成分, 可以100%與肌膚相容, 而且能速透真皮層, 瞬間傾活養分到「細胞外基質」, 為肌膚細胞與組織提供最理想生長環境, 強化細胞保護屏障, 敵擋種種壓力氧化傷害, 並激活老化細胞自我修復、新生。


一盒30枝, 可於潔面後使用1 日1 支 / 早晚各半支Matricium 再生水, 開封後須於12小時內用完。


啪開後可以把蓋子反轉蓋實, 我多數都係早晚各半枝使用, 精華量不多, 但剛剛足以全面使用。


精華質地非常水潤,塗上後吸收得非常快! 完全無礙之後再塗的保養品。

用後肌膚水份瞬間上升~


第三步可以配合激活水循環精華使用!


它加入了皮膚生物學技術研創的專利保濕配方Aquagenium®, 可以增加皮膚天然「水瑩管道」, 促進水分循環, 從源頭改善乾涸, 即時強效保濕, 還原水凝透亮。


除了保濕, 它還可以提升肌膚抗敏力, 對於我這常常動不動就敏感的麻煩肌膚最合適。


淡淡的香味好好聞! 質地杰身但易推開, 塗開之後亦會變成水狀, 有少許滋潤感但不黏笠。

兩者早晚一起使用感覺好舒服, 這大半個月我都是潔面 > 再生水 > 激活水循環精華 > 面霜這樣早晚使用, 
覺得皮膚因缺水而出現敏感的情況大大減少, 近來天氣轉涼都有乾燥的問題, 但幸好不至於甩皮唔上妝, 
尤其是痘痘的位置即使塗過暗瘡膏亦沒有出現很乾燥的情況, 我會歸功於它們!



產品由theZtyle.com/Bioderma提供
MATRICIUM 再生水 (1ml x 30, HK$720)
激活水循環精華(40ml, HK$335)

2018年10月9日星期二

▌日常 ▌四季都要用 ♥ Murnauer 除臭除臭除除臭噴劑...*

從小就特別大汗,稍微快步走路已經可以大汗淋漓,近幾年氣溫愈來愈高,每年夏天都快崩潰了!其實不是討厭炎熱,而是討厭出汗呀!
尤其不是因運動而出汗,
衣服沾上汗臭既不能即時換衣服也不能洗澡,即使只有自己聞到陣陣汗味,也很討厭。


亦正因如此,我每年都會物色好用的止汗劑,可是,一日有汗腺,一日也無法改變會出汗的事實。
早前看過一篇研究報告指,原來人體只有腋下的汗腺才會發出汗臭味,
只要出汗後盡快清潔腋下就可以避免有汗臭! 不過如果出汗後沒法立即清潔,異味仍然會依附在衣物上,咁又點算呢?


早前朋友聽了我的煩惱之後給我介紹了這枝產自德國的除臭噴霧,說是出汗前噴上的話,可以抑制汗臭味! 類似的產品我也試過,通通都失望而回,呢枝又會點呢?


樽身基本上都是德文。它的賣點是不會阻塞毛孔,而且無色、無味、無防腐劑、 通過皮膚學測試。


簡單的噴霧樽身設計,噴咀極細,噴出來的劑量非常微細,霧化效果很好! 而且貼心的是它沒有香味,噴多左都唔怕影響身邊的人。


炎夏用了幾個星期,每天換衣服前都會分別在腋下各噴一下。後來發現好像不太抑制到汗味,然後朋友提點可以多噴一下! 結果! 汗味真的有改善! 我試過專登噴完落街跑步, 真係無咁臭架!


我是那種不管是什麼天氣,只要一走動就會出汗的人,但又喜歡噴香水,
所以如果這類除臭香汗劑味道太濃烈就不太適合我使用了,幸好這款除臭劑幾乎沒有味道,
噴完它再噴香水都不會影響香味。
而且長頭髮的話出汗就更容易把汗味留在頭髮內,我仲會輕輕向頭髮噴幾下! 


我已經用左3個月左右, 大概只係用左半枝, 都幾抵用呀!
有興趣的朋友可以去以下網址選購~
除左呢枝除臭劑之外, 仲有好多香港比較少見的有機、天然、防敏產品, 
所有產品100%由德國空運到香港, 有興趣就睇下啦!

49-德國雜貨舖 German Store 
FB / 49-德國雜貨舖 German Store IG / 49germanstore電話 / 852-9676-5768(只限What's App)電郵 / info@49germanstore.com

2018年9月22日星期六

▌保養 ▌升級小黑瓶 ♥ Lancôme ADVANCED GÉNIFIQUE 嫩肌活膚精華肌底液...* ...

Lancôme 說「美麗並非膚淺的表面, 而是一種純粹的情緒以及所有感官的甦醒。」
美麗從來不只指皮囊, 而是由內而外, 亦源自心理情緒和身體狀況。
現代人生活疲於奔命, 要平衡身心談何容易, 但能從外到內幫忙喚發美麗的小工具, 從來都不應馬虎選擇。



8 月底時參與了Lancôme 在銅鑼灣怡東廣場的pop up活動,
除左勁多打卡位之外, 仲可以試用Lancôme ADVANCED GÉNIFIQUE 升級版嫩肌活膚精華肌底液!



「小黑瓶」呢個名多年來都好評不斷, 能夠在云云眾多的護膚品中一直穩佔席位, 必定有它的原因。

主要成份酵母萃取能有效昇華其激活修復肌膚的精華配方, 從外有效強化保護肌膚的屏障, 從內有效修復肌膚底層細胞。十年前誰又知道酵母萃取在美容方面能成為人人趨之若鶩的成份?



作為日常美容的第一步, 小黑瓶能夠慢慢改善膚質、肌膚回彈力、彈性、緊緻度、鬆弛、細紋、皺紋、光彩、均勻膚色、清晰度。除了酵母萃取, 主要成份亦有雙歧乳酸桿菌發酵液, 可以抗敏; 仲有甘油成份可以保濕。

其實市面上肌底液多如繁星, 成份亦可能大抵相似, 最緊要還是選擇簡單易用, 用後舒服, 適合自己膚質的一款使用。
小黑瓶的泵裝設計衛生又方便, 扭開按壓就等於一次份量, 作為護膚第一步, 我會在潔面後使用, 接著才使用化妝水、精華等。


肌底液質感清爽, 完全不黏膩, 塗抹後很快被皮膚吸收, 即使是忙碌的早上也不會耽誤寶貝時間。

早上我習慣上妝前會快速用化妝水濕敷, 所以濕敷前就會用肌底液打底, 放大濕敷功效。 


其實即使是單用, 亦有唔錯的補濕功效!
保養方面, 使用三星期後, 個人認為改善肌膚粗糙感和增加透亮度方面較為明顯!


而如同櫃姐所說, 最顯著的效果應該就係改善妝感, 雖然在炎夏日曬和冷氣的雙重夾攻下, 無論用多持久的產品, 仍難以避免脫妝的可能, 但是對於妝效而言, 小黑瓶仍有肉眼可見的功效。

之前說過因為快將完成學業以致無法好好休息, 肌膚變得亂七八糟, 厚粉也不能遮掩倦容的生活已經完結,
希望慢慢調整生活步伐, 回復身心健康,
亦相信繼續有小黑瓶的外在加持, 膚質能繼續一步步慢慢改善。

Lancôme ADVANCED GÉNIFIQUE 嫩肌活膚精華肌底液
$695/30ml
$970/50ml
$11,00/75ml

產品由Lancôme提供


▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...